দৌৰ.... জীৱনৰ বাবে !!
- Get link
- Other Apps
" ১৪/১১ ; দৌৰ... জীৱনৰ বাবে !! "
স্মিত বেলিটোৱে
সিদিনা পুৱাতেই পিন্ধি লৈছিল
তেজোদীপ্ত এটি চোলা...
চৌদিশে ছটিয়াই দিছিল
প্ৰাণভৰা উচ্ছ্বাসৰ বন্যা..
আছিল য'ত অফুৰন্ত হেঁপাহ...
জীৱন জিনি যোৱাৰ--
কোনো বাধাই টলাব নোৱাৰা
কাহানিও সেও নমনা
সেই প্ৰাঞ্জলতাত টগবগাই উঠিছিল --
ভৰুণ এটি আশা
দুৰ্লংঘ্য , দুৰ্নিবাৰ....
এয়া যে দৌৰ...
জীৱনৰ --
সংকল্পৰ --
সংহতিৰ...
অবিৰাম , নিৰন্তৰ।।
--- © কৃষ্ণা সোণোৱাল
১৫/১১/২০২১
- Get link
- Other Apps
Comments
Post a Comment